( البساطة ) قصة قصيرة . بقلم " غريب النمر "

إنتهى مشواري في البحث عن السعادة والجمال وجني المال ...



وأصبحت مؤمن وكلِ إيمان بوجود شئ يدعى البساطة , بالبساطة أحقق أحلامي الخيالية والواقعية .

هيا بنا ننظر إلى هذه الشخصية التى تؤمن بالبساطة نظرة عن كثب , من أول الطريق إلى اخرة




شخصيتنا تدعى "دياب "

دياب
شاب في منتصف العشرينات من العمر نحيف الجسم . خفيف الشعر . طويل القامة ,
شخصية جذابة وسيم . قوي الاعصاب بعينان لامعتان دائماً ,

دياب شاب مكافح مجتهد يسعى إلى تحقيق كل ما يحلم به ولكن له حلم كبير لا يتنازل عنه أبداً ودائماً في مخيلته

هذا الحلم هو ان يضحى من أشهر الشخصيات وأكثر الشخصيات أثراً في العالم , مثل



" ألبرت إينشتين " أو " وليم شكسبير " أو " أودولف هتلر " إلخ إلخ ...



دياب قليل الكلام لا يحب النفاق ولا الكذب , ولن يحصل على أية جائزة في حياتة

دياب موهوب بذكائه منذ نعومة أظافرة كان يستطع أن يحل أية لغز أو مسألة في لحظات مهما بلغت صعوبته المهم أنه يحله ,

وعمره ما ترك لغز أو مسألة إلا ويحاول حله مع ان هذه المسألة لا تنفعه ولا تضره بشئ ولكنه يقول دائماً

وهو يقصد نفسية الشئ ليست هو دياب , نعم إنه يتمتع بالفلسفة ويحبها كثيراً وايضاً يتمتع بالإهتمام بأي شئ في الحياة

إن كان إنسان أو حيوان او حتى جماد , لذلك إخترته بعينه دون الجميع لكِ أصيغ قصتة فهو شخصية جذابة غامضة تتمتع بذكاء خارق ,

ما رأيكم أن نترك كل هذا ونذهب إلى دياب نفسه



1




دياب في حجرتة يرتب كتبه وأوراقة يضعها على رف بين أرفف عديدة في مكتبته الصغيرة

يحدث نفسه قائلاً : تاجر البندقية إممم فين .. فين .. اه ده رف عم وليم تمام ..

الماركسية والإسلام عمنا طبعاً مصطفى محمود

قصة مدينتين شارلز ديكنز .. اه هنا

طب وإية ده " فساتين النشوة " لأ دي رواية أي كلام يبقى في السرداب ...



( وهو يلقي بالكتاب في صندوق أسفل المكتبة يجد شئ غريب عليه )



_ إية ده .. ده إية الكتاب ده أنا أول مرة أشوفة

يمسك دياب الكتاب وينظفه بيده من الغبار المتراكم عليه ويقلب في الكتاب ويبدو له إنه قديم جداً قديم من قبل الميلاد

وأكثر وصفحاته مكتوبة يدوياً بكلامات غير مفهومة

_ ده إية اللغة العجيبة دي سبحان الله هو الكتاب ده جه هنا إزاي

ولم يفكر دياب ان يسأل احد ممن يسكن معه البيت فلم ولن يجرء أحد أن يدخل حجرته

فجأة ودياب منهمك في التفكير وبين يده الكتاب يهتز ويسقط على الارض ويفتح على صفحة بيضاء مضيئه ويسمع صوت يقول

_ دياب .. دياب .. حقق أحلامك بيدك

دياب في فزع

_ أنت مين .. إية .. مين بينادي

_ حقق أحلامك بيدك

_ أنت مين ياعم يالهووي يانا يامه

_ لا تخف صديقي لا تخف فأنا أستاذك

_ أستاذي ! إستاذي مين ؟

_ أنا كونفوشيوس

_ مين ياعم كونفوشيوس إلخلص رعبتني ..

_ دياب سر السعادة في البساطة

_ وبعدين بقى .. ياعم انت مين حرام عليك

_ دياب سر الجمال في البساطة

_ يخربيتك إية الليلة النحس دي

_ دياب سر المال في البساطة

_ الصوت ده جي منين انا عمري في حياتي ماسمعت النبره دي في حياتي . يكونش الكتاب هو اللي بيتكلم .

ده انا أصحابي قالولي هتتجنن بسبب الكتب دي طب وبعدين وإية حكاية البساطة البساطة اللي مسكهالي عم كونفوشيوس دي

_ طب يا كونفوشيوس . أنت جيت منين وعاوز إية وإية حكاية البساطة دي

_
دياب الحياة جميلة وعلمتنا أساليب كتيرة العمر أمامك لا تتركه يضيع هدر
وإحلم وإحلم ولكن كن بسيط ولابد قبل أن تحلم تتعلم كيف تحقق حلمك

_ طب حلمي هو إني أكون مشهور وأشهر منكم كمان . أحقق حلمي ده إزاي

_ دياب البساطة هى السر يا دياب البساطة هى الكنز يابني



وإختفى الصوت وإختفى الكتاب وصرخ دياب بأعلى صوت وتجمع حوله الجيران

_ إستاذ دياب إستاذ دياب مالك

_ البساطة البساطة البساطة

_ إستاذ دياب في إية مالك .. " بسم الله الرحمن الرحيم"

_ الحلم في السر والسر في البساطة

_ حد يدن في ودنه ياجماعة

_ كوباية مايه ياجدعان الراجل هيروح مننا



يفوق دياب ويتفاجأ بعدد كبير من الجيران يتجمع حوله

_ إية في إية انا فين

_ أهو فاق اهو الحمد لله إية ياأستاذ مالك جرا إية

_ مش عارف في حاجة غريبة حصلتلي

_ انت فضلت تقول البساطة ياعيني ع البساطة إية كنت بتحلم بإية خضتنا عليك



2



في اليوم التالي ودياب في الحديقة يقراء كتاب " السر " يرا رجل عجوز بجلباب رديئ به بقع كالزيت

يجلس بجوار شاب جيد المظهر يرتدي بزه سوداء أنيقه , ينظر الشاب للرجل العجوز ويقول :



إية ياعم أنت محبكش تقعد غير جمبي إية قوم من هنا البدله هتتبهدل

ينظر إلية الرجل ويقول :

_ كلنا ولاد تسعه ياحبيبي ليه كده بس ده انت قد إبني

_ أيوة ايوة إتمسكن إتمسكن بقولك إية بلا تسعة بلا عشرة قوم من هنا



وتدخل دياب وقال وهو ينظر إلى الشاب بعتاب حاد

_ تعالى ياحج قعد جمبي انا ده يزيدني شرف إني أقعد معاك

_ ربنا يخليك يابني والله ما كنت اقصد إني اضايقه

_ تضيقه إية ياحج يولع .. هى الحديقة بتاعت ابوه



وقام الشاب الاخر ونظر لهم بسخرية وإشمئزاز وذهب

وجلس الرجل العجوز بجوار دياب وقال له



_ من تواضع لله رفعه . ربنا يزيدك بساطة ويبارك فيك يإبني

_ ربنا يخليك ياحج والله أنا سعيد جداً بيك وليا الشرف إني أتعرف عليك

_ أنا يابني اللي زادني شرف . أنا فاتح مكتبة على الناصيه اللي في شارع 10 وهناك إتربيت وإتجوزت وخلفت عيال ماشاء الله قدك كده

_ ربنا يديك طولة العمر ياحج . هى المكتبة اللي هناك دي بتاعتك يااااه ده انا كل إسبوع بشتري من عندك كتب . بس مشفتكش هناك ولا مرة

_ مهو إبني هو اللي بياخد باله من المكتبة والكتب انا راجل كبير زي مانت شايف مبقتش أشوف كويس السن بقى

_ الله يديك طولة العمر ياحج

وإنتهى الحوار بين الرجل العجوز ودياب ولأول مرة يعود دياب من جولته وهو سعيد سعيد سعادة لا توصف وهذا بفضل بساطته والدرس الذي تعلمه من معلمه " كومفوشيوس "



3



خلد
دياب إلى النوم وحلم بإنه في صحراء وهناك وجد نفسه بدون ماء ولا طعام وتحت
شمس محرقة وبعد معناه وجد ما لا يتوقع وجوده في اي صحراء

..
بستان زهور وخضره وماء . فوراً رواى ظمأه وتجول بعدها في البستان ووجد
فتاة بيضاء كادت أن تضي المكان بجمالها بعين جميلة زرقاء متجهه نحوه وقالت
هامسه

_ في السعادة سر وفي البساطة سر وفي الجمال سر وانت سر كل هذا

_ إنتي تعرفيني ؟

_ ومن في هذه الدنيا لا يعرفك يادياب

_ وكمان تعرفي إسمي

_ أنا أعرف كل شئ عنك فأنا أراقبك منذ زمن ولا تحسب هذا حلم فأنا حقيقتك الوحيدة

وإستيقظ دياب من نومه ووجد نفسه في غرفه مظلمه وصغيرة لا تكاد تتسع نحو أكثر من متر ونصف إنها المقبرة التى دفن فيها دياب منذ سنتان



إذا أردت أن تعرف كيف حدث كل هذا لشخص متوفي

إقراء القصة مرة أخرى





تـــمـــت



" غريب النمر "