قصيدة [ إثبت مكانك ] للشاعر / محمد عبد الفضيل

_________________ _______________________


.


إثبت مكانك ..


وأرمي السلاح ...


اللي جاي مش عدو ...


ولا كلب نباح ..


اللي جاي كنيته ...


مصري نفسه يرتاح ...


قال للزمان كلمته ..


وشكاله همه في دنيته ..


ورفع رنين الصياح ..


صوب سلاحك للعدا ..


أنا مش عدا ..


أنا إبن نيلك وفدا ..


مش هبتدي برمي الرصاص ..


مش هبتدي بقتل وخلاص ..


أنا ببتدي أسأل سؤال ..


مين اللي خلي دمي حلال ..


مين اللي قال إني عميل ...


مين اللي فرق صفنا ..


شوف إنتا مين ..


يمكن ترد علي السؤال ..


يمكن نبطل بيه نواح ..


يمكن في يوم أسمع خبر ..


إن الوطن ..


رجع وطن ..


مش بس ساحة للصياح ..


يمكن في يوم أسمع كلام ..


إن إبن بلدي طبنجته ...


متعمرة ..


متغندرة ..


متوجهة لقلب العدا ..


مش ليا أنا ..


مش بيا أنا ..


يطلع همام ..


مش بيا أنا ..


يبقي شهيد ...


مش بيا انا ..


يبقي زعيم ..


دا أنا الكريم إبن الكريم ..


عاش علي أرضي وحكم البلاد ..


دا أنا اللئيم ملاقش في أرضي زاد ومداد ..


أنا المصري بقولها ..


بصوت عالي ..


م المسا لحد الصباح ..

 
للشاعر : محمد عبدالفضيل